ՀՀ ԱՆ «Ավան» հոգեկան առողջության կենտրոն» ՓԲ ընկերությունն իր երախտագիտությունն է հայտնում ՀՀ առողջապահության նախարարությանը

   ՀՀ ԱՆ «Ավան» հոգեկան առողջության կենտրոն» ՓԲ ընկերությունում 2018-2019թվականների ընթացքում իրականացվել են մի շարք բարեփոխումներ և շինարարական աշխատանքներ, ինչը թույլ է տվել էլ ավելի բարելավել ընկերությունում մատուցվող ծառայությունների որակը: Նշենք, որ այդ աշխատանքները հնարավոր է դարձել իրականացնել շնորհիվ ընկերության նախորդ տարվա՝ 339,568,400 ՀՀ դրամ բյուջեի այս տարի 60,000,000 ՀՀ դրամով ավելացմամբ:

    Մեր կողմից բարձրաձայնված խնդիրները մշտապես գտնվել են ՀՀ առողջապահության նախարարի անմիջական վերահսկողության ներքո և ստացել են իրենց դրական լուծումները, ինչի համար ՀՀ ԱՆ «Ավան» հոգեկան առողջության կենտրոն» ՓԲ ընկերությունն իր երախտագիտությունն է հայտնում ՀՀ առողջապահության նախարարությանը և, հատկապես, ՀՀ առողջապահության նախարար պարոն Արսեն Թորոսյանին՝ հոգեբուժության ոլորտը մշտապես ուշադրության կենտրոնում պահելու և ոլորտի զարգացմանը նպաստելու համար։