Անդրադառնալով սույն թվականի հուլիսի 12-ին «Արմենիա» հեռուստաընկերության եթերում ցուցադրված «Սուր անկյուն» հաղորդաշարին

 Անդրադառնալով սույն թվականի հուլիսի 12-ին «Արմենիա» հեռուստաընկերության եթերում ցուցադրված «Սուր անկյուն» հաղորդաշարին, և մասնավորապես ՀՀ ԱՆ «Ավան» հոգեկան առողջության կենտրոն» ՓԲ ընկերության վերաբերյալ կատարած լրագրողական «շոու»-ին, ցանկանում ենք հայտնել, որ մեծ վրդովմունք ապրեցինք, քանի որ լրագրողական խումբն իր անպատասխանատու և անլուրջ մոտեցմամբ ակնհայտ բացասական ազդեցությունն է ունեցել հանրության կողմից բժիշկ-հոգեբույժներին դիմելու և վստահելու հարցում: Նմանատիպ հաղորդումներ ստեղծելու դրդապատճառները պարզ են՝ խիստ սուբյեկտիվ, արդեն սովորություն դարձած, մեկ շաբաթվա ընթացքում մի հերթական, աղմկահարույց «նայվող շոու» ստեղծելն է: 2HzClDwqY38&feature=youtu.be&fbclid=IwA

       Հարկ է նշել, որ վերոնշյալ հաղորդման մեջ օգտագործած և «Ավան» հոգեկան առողջության կենտրոն» ՓԲ ընկերությանը վերագրած կադրերը, նկարահանվել են անհայտ տարածքներում և որևէ կապ չունեն այդ կենտրոնի հետ:

      Փաստաբանների կողմից արված կեղծ և իրականությանը չհամապատասխանող հայտարարությունները, թե իբր «Ավան» հոգեկան առողջության կենտրոն» ՓԲ ընկերությունում հոգեբույժները, «հանցավոր համաձայնության գալով դատավորի հետ», դատարանի վճռի համաձայն բուժել են «առողջ մայր և աղջիկ», քրեական օրենսգրքի լուրջ մեղադրանք են բժիշկների և դատավորների հասցեին: Հարց է ծագում, իսկ ինչու այդ դեպքում քրեական գործ չի հարուցվել և արդյոք փաստաբանը, չունենալով համապատասխան բժշկական կրթություն, իրավունք ունի ժխտել բժիշկ-հոգեբույժի կողմից դրված ախտորոշումը:

   Վերջապես Նոր Հայաստանում յուրաքանչյուր քաղաքացի և ցանկացած մասնագետ պետք է զբաղվի իր գործով, կատարի այդ գործը բարեխիղճ և հետապնդի մի վեհ նպատակ՝ օգուտ բերի Հայաստանի զարգացմանը: Դա է միակ հիմքը: Իսկ բժշկի աշխատանքը այդ վեհ գաղափարի կարևորագույն մասն է: Մի փորձեք անհիմն զրույցներով, անհայտ և հայտնի նպատակներով արժեզրկել և խաթարել բժիշկների աշխատանքը:

Имя*
Ваш e-mail адрес*
E-mail получателя*