Անդրադառնալով «Առաջին ինֆո» տեղեկատվական և ժամանցային հարթակում 13.11.2019թ. տեղադրված հոդվածին

   Անդրադառնալով «Առաջին ինֆո» տեղեկատվական և ժամանցային հարթակում 13.11.2019թ. տեղադրված՝ պարոն Արման Սահակյանի հոդվածին, ցանկանում ենք նշել, որ հոգեկան առողջության ոլորտը, հատկապես վերջին շրջանում, մշտապես գտնվում է ՀՀ առողջապահության նախարարության ի դեմս նախարար Արսեն Թորոսյանի, ուշադրության կենտրոնում: Շնորհիվ ՀՀ առողջապահության նախարարության կողմից ընկերությանը հատկացված ֆինանսական միջոցների, ՀՀ ԱՆ «Ավան» հոգեկան առողջության կենտրոն» ՓԲ ընկերությունում կատարվել են մի շարք բարեփոխումներ՝

• վերանորոգվել են հիվանդանոցային պայմաններում բուժում ստացող հոգեկան առողջության խնդիրներ ունեցող անձանց համար նախատեսված լոգարանները և սանհանգույցները՝

• վերանորոգվել է հիվանդանոցային պայմաններում բուժում իրականացնելու համար նախատեսված բաժանմունքներից մեկը՝

• վերանորոգվել է դեղատունը՝

• վերանորոգվել է ընդունարանը՝

• վերանորոգվել և ստեղծվել են հոգեկան առողջության խնդիրներ ունեցող անձանց բուժման համար նախատեսված էլ ավելի հարմարավետ (առանձին սանհանգույցով և լոգարանով) հիվանդասենյակներ՝

Բարելավվել են նաև բուժանձնակազմի աշխատանքային պայմանները՝

• վերանորոգվել են հերթապահ բժշկի, արտահիվանդանոցային և հիվանդանոցային ծառայություն իրականացնող բժիշկների աշխատասենյակների մի մասը՝

   Ինչ վերաբերում է ընկերությունում հոգեկան առողջության խնդիրներ ունեցող անձանց և հետազոտվող զորակոչիկներին մատուցվող սննդին, ապա հարկ ենք համարում նշել, որ այն 2015թվականից ի վեր մատուցվում է outsource ձևաչափով (պատրաստի սնունդ մատուցող մասնագիտացված կազմակերպության կողմից): Սննուդը մատուցվում է միանգամյա օգտագործման տարաներով, օրը 3 անգամ՝ ՀՀ կառավարության  19.01.2017թ. 19-Ն՝ «ՀՀ կառավարության 2011թվականի մայիսի 26-ի N 711-Ն որոշման մեջ փոփոխություն կատարելու մասին» որոշման դրույթներին համապատասխան: Սնունդը տարատեսակ է և մշտապես հավանության է արժանանում ընկերությունում բուժում ստացող անձանց կողմից։ 

   Ինչ վերաբերում է կադրային ներուժին, ապա հարկ է նշել, որ ընկերության աշխատակիցների կազմը ներկայումս համալրված է երիտասարդ մասնագետներով և փորձառու բժիշկներով: Ընկերության միջին և կրտսեր բուժանձնակազմը մշտապես գտնվում է տնօրենի վերահսկողության ներքո և անհրաժեշտության դեպքում նախկին աշխատակիցները փոխարինվում են նորերով, քանի որ հոգեբուժական ոլորտում պատշաճ կերպով ծառայություն իրականացնելու համար անհրաժեշտ է առանձնահատուկ նվիրվածություն և գիտակցություն: Հարկ ենք համարում նշել նաև, որ խնդիրների դեպքում տնօրենին ուղղված զեկուցագրերը երբևէ չեն մնացել նրա ուշադրությունից դուրս, ձեռնարկվել են համապատասխան միջոցառումներ՝ ընդհուպ մինչև աշխատանքից հեռացում: 

   ՀՀ առողջապահության նախարար Արսեն Թորոսյանի կողմից վարած քաղաքականության շնորհիվ 2018-2019թվականներին զգալիորեն բարձրացել են բուժանձնակազմի աշխատավարձերը, ինչպես արտահիվանդանոցային, այնպես էլ հիվանդանոցային ծառայությունում, ինչը նույպես նպաստել է ընկերությունում մատուցվող բժշկական օգնության և սպասարկման որակի բարձրացմանը:

   Չնայած վերոնշյալ բարեփոխումներին, ոլորտում խնդիրները դեռ շատ են։ 2020 թվականին նախատեսվում է վերանորոգել ընկերության զորակոչային բաժանմունքը, հիվանդանոցային ծառայության մյուս բաժանմունքը, բուժանձնակազմի աշխատասենյակները, արտահիվանդանոցային ծառայություն իրականացնելու համար նախատեսված բաժանմունքի սանհանգույցները, նախատեսվում է նաև իրականացնել մանկական հիվանդանոցային հոգեբուժական ծառայություն: